मणिपूरमध्ये वीरमरण आलेल्या २५ वर्षीय जवान जयेश माळींना रामी गावात शासकीय इतमामात अखेरचा निरोप!

Maharashtra Sarthi Team Picture
On

WhatsApp-Image-2026-11-21-at-3.58.45-PM

धुळे :  देशसेवेचे कर्तव्य बजावताना वीरमरण आलेल्या धुळे तालुक्यातील रामी गावचे सुपुत्र, भारतीय सैन्यदलाचे जवान जयेश माळी यांना आज त्यांच्या जन्मभूमीत साश्रुनयनांनी अखेरचा निरोप देण्यात आला. अवघ्या २५ व्या वर्षी देशसेवेसाठी प्राण अर्पण करणाऱ्या या वीरपुत्रावर शनिवारी सकाळी रामी येथे शासकीय इतमामात अंत्यसंस्कार करण्यात आले. आपल्या लाडक्या सुपुत्राला अखेरचा निरोप देताना संपूर्ण गाव शोकमग्न झाले होते. सैन्यदलाच्या वतीने वीरजवानाला मानवंदना अर्पण करण्यात आली.

मणिपूरमध्ये कर्तव्य बजावत असताना १८ नोव्हेंबर २०२६ रोजी लष्करी वाहनाच्या अपघातात वीरमरण आलेल्या जयेश माळी यांचे पार्थिव आज सकाळी त्यांच्या मूळगावी रामी येथे आणण्यात आले. देशसेवेसाठी आपले आयुष्य समर्पित करणाऱ्या या तरुण जवानाचे पार्थिव गावात दाखल होताच वातावरण शोकाकुल झाले. आपल्या गावचा सुपुत्र आता पुन्हा कधीही परतणार नाही, या जाणिवेने उपस्थितांचे डोळे पाणावले. वीरजवानाच्या अंतिम दर्शनासाठी ग्रामस्थ आणि नागरिक उपस्थित होते.

भारतीय सैन्यदलातील ३५७ फील्ड हॉस्पिटलमध्ये शिपाई (नर्सिंग असिस्टंट) म्हणून कार्यरत असलेले जयेश माळी यांनी २ वर्षे ६ महिने सैन्यसेवा बजावली होती. मणिपूरमधील उखरूल पूर्व भागातील चालाऊ (Chalau) येथे कर्तव्यावर असताना १८ नोव्हेंबर रोजी झालेल्या लष्करी वाहनाच्या अपघातात त्यांना वीरमरण आले. ऐन तारुण्यात देशसेवेची वाट निवडलेल्या जयेश यांच्या अकाली जाण्याने त्यांच्या कुटुंबावर दुःखाचा डोंगर कोसळला आहे. 

 

मान्यवरांकडून वीरजवानाला श्रद्धांजली

वीरजवान जयेश माळी यांच्या अंत्यसंस्कारप्रसंगी महाराष्ट्र बटालियनचे कर्नल संजय कुमार, जिल्हा सैनिक कल्याण अधिकारी निवृत्त मेजर डॉ. निलेश प्रकाश पाटील, आमदार राघवेंद्र भदाणे, माजी आमदार कुणाल पाटील, शरद पाटील, नवी मुंबई बाजार समितीचे संचालक रावसाहेब गिरासे, माजी जिल्हा परिषद अध्यक्ष सुभाष देवरे, माजी अध्यक्षा धरती देवरे, तहसीलदार अरुण शेवाळे, उपविभागीय पोलीस अधिकारी तुषार देवरे, गटविकास अधिकारी नितीन खंडेराय, ग्रामपंचायत अधिकारी प्रवीण बोरसे, रामीचे माजी सरपंच दिलीप गिरासे यांच्यासह ग्रामस्थ व नागरिक उपस्थित होते. उपस्थित मान्यवरांनी वीरजवान जयेश माळी यांच्या पार्थिवावर पुष्पचक्र अर्पण करून भावपूर्ण श्रद्धांजली अर्पण केली.

एका वीरपुत्राच्या आठवणी गावाच्या मनात कायम

वयाच्या अवघ्या २५ व्या वर्षी देशसेवेच्या कर्तव्यावर असताना जयेश माळी यांची जीवनयात्रा थांबली. ज्या मातीत त्यांचे बालपण गेले, त्याच मातीत आज त्यांना अखेरचा निरोप देण्यात आला. कुटुंबीयांसाठी हा कधीही भरून न निघणारा आघात असला, तरी देशसेवेसाठी त्यांनी दिलेले योगदान रामी गावासाठी कायम अभिमानाचा विषय राहील. एका आई-वडिलांनी आपला तरुण मुलगा गमावला, तर रामी गावाने आपला कर्तव्यनिष्ठ वीरपुत्र गमावला. त्यांच्या स्मृती आणि देशसेवेप्रती असलेली निष्ठा सदैव स्मरणात राहील.

खबरें और भी हैं

मणिपूरमध्ये वीरमरण आलेल्या २५ वर्षीय जवान जयेश माळींना रामी गावात शासकीय इतमामात अखेरचा निरोप!

ताजा बातम्या

मणिपूरमध्ये वीरमरण आलेल्या २५ वर्षीय जवान जयेश माळींना रामी गावात शासकीय इतमामात अखेरचा निरोप!

धुळे :  देशसेवेचे कर्तव्य बजावताना वीरमरण आलेल्या धुळे तालुक्यातील रामी गावचे सुपुत्र, भारतीय सैन्यदलाचे जवान जयेश माळी यांना आज त्यांच्या...
राज्य 
मणिपूरमध्ये वीरमरण आलेल्या २५ वर्षीय जवान जयेश माळींना रामी गावात शासकीय इतमामात अखेरचा निरोप!

स्मार्टफोनच्या किमतीत मोठी वाढ; प्रीमियम मोबाईल लाखाच्या पार जाण्याची शक्यता!

नवी दिल्ली : स्मार्टफोन खरेदी करण्याच्या तयारीत असलेल्या ग्राहकांसाठी महत्त्वाची बातमी आहे. आगामी काळात मोबाईल फोनच्या किमतीत मोठी वाढ होण्याची...
राष्ट्रीय 
स्मार्टफोनच्या किमतीत मोठी वाढ; प्रीमियम मोबाईल लाखाच्या पार जाण्याची शक्यता!

नाशिकच्या प्रसिध्द मिसळ सेंटरवर अन्न व औषध प्रशासनाचे छापे..

नाशिक प्रतिनिधी - नाशिक शहरातील नागरिकांच्या आरोग्याशी खेळ करणाऱ्या हॉटेल आणि खाद्यपदार्थ विक्रेत्यांविरोधात अन्न व औषध प्रशासनाने कठोर पावले उचलली...
राज्य  क्राईम 
नाशिकच्या प्रसिध्द मिसळ सेंटरवर अन्न व औषध प्रशासनाचे छापे..

उंबरमाळी रेल्वे स्थानकावर अडकलेल्या प्रवाशांच्या मदतीला धावली ‘लालपरी’

मुंबई :  काल रात्री मध्य रेल्वेच्या कसारा मार्गावरील वाहतूक रात्री नऊ वाजल्यापासून विस्कळीत झाल्याने उंबरमाळी रेल्वे स्थानकावर अनेक प्रवासी अडकून...
मुंबई 
उंबरमाळी रेल्वे स्थानकावर अडकलेल्या प्रवाशांच्या मदतीला धावली ‘लालपरी’