- Hindi News
- क्राईम
- नाशिकच्या प्रसिध्द मिसळ सेंटरवर अन्न व औषध प्रशासनाचे छापे..
नाशिकच्या प्रसिध्द मिसळ सेंटरवर अन्न व औषध प्रशासनाचे छापे..
नाशिक प्रतिनिधी -
नाशिक शहरातील नागरिकांच्या आरोग्याशी खेळ करणाऱ्या हॉटेल आणि खाद्यपदार्थ विक्रेत्यांविरोधात अन्न व औषध प्रशासनाने कठोर पावले उचलली आहेत. अस्वच्छता, मुदतबाह्य अन्नपदार्थांचा वापर आणि अन्न साठवणुकीची अपुरी व्यवस्था या गंभीर कारणांमुळे नाशिकमधील तीन प्रसिद्ध मिसळ सेंटरसह एकूण पाच आस्थापनांचे अन्न परवाने निलंबित करण्यात आले आहेत. अन्न व औषध प्रशासनाच्या पथकाने शहरातील विविध भागांतील मिसळ सेंटर आणि हॉटेल्सवर अचानक छापे टाकून तपासणी केली. या तपासणीदरम्यान शहरातील श्याम सुंदर मिसळ, विहार मिसळ आणि तुषार फूड हब या तीन मिसळ उपहारगृहांसह आडगाव नाका येथील हॉटेल महाराज काठियावाडी आणि कृषी नगर येथील कॅफे दुर्गा या आस्थापनांमध्ये अन्न सुरक्षा व मानके कायद्याचे उल्लंघन होत असल्याचे निदर्शनास आले. अन्न सुरक्षा अधिकारी अश्विनी पाटील आणि ऋतुजा येवले यांच्या मार्गदर्शनाखाली ही धडक मोहीम राबवण्यात आली.
